Aqqa ilisarnaataalu


 

 

 

 

 

INUA – Isumaqarpoq suut tamarmik tarningat kalaallisullu oqaaseq ”Inuk” pinngorfigalugu. Inua anersaajuvoq imaluunniit tarniuvoq uumasunik, naasunik, ujaqqanik, pinngortitami pisartunik aammalu sinimmik illarnermillu uumassuseqalersitsisartoq. Sunaluunniit ilorlikkut nukeqarpoq, uumassuseqalersitsisumik immikkullu ittuussutsimisut pissuseqalersitsisumik. Inuit oqaluttuatoqaanni ilaatigut anori inoqarpoq imaluunniit qaqqaq inoqarluni. Suulluunniit inui immikkut kinaassuseqarput allaallumi ulorianarsinnaallutik mianersunngikkaanni. Nannup inuata ilamernga nannup kigutaanik aarnussamiippoq piginnittorlu nannup piginnaanerisa ilaannik peqalersillugu. Soorluli aamma aarrup saarnganik aarnuaq aarrup inuanik ilaqartoq, aarrullu piginnaanerisa nukingisalu ilaannik inummut tassannga atuisumut ingerlatitseqqissinnaalluni. Aarnuaq inuup nukinnik peqalersussap atisaanut mersuunneqarsinnaavoq, aammali arlaannut ilineqarsinnaalluni, soorlu illumut qaannamulluunniit.
Seqineq Seqinermik titartagannguaq ukiorpassuit matuma siorna Indiami hotelip iigaani takuara. Naallu titartagaq qarmanut qalipakkatut graffiti’tut isikkoqarnerugaluartoq attattuarsimavara uannullu ”seqininnguaq qipisoq” inuunerup tarninganut ilisarnaataavoq – nukik qamaniittoq inuunitsinnik nunarsuarmilu inuunernik tamanik aqutsisuusoq.